)( شـ أقول لـ أمي )(

)( شـ أقول لـ أمي؟ )(

للـ رآآئع : إياد المريسي

.
.
.
اتصدقي ؟!!
مرت سنة ...وما درينا ؟!!
والحلم ..شوفيه شكبر؟!!
صار رجال ؟!!
اتصدقي ؟! مرة سنة ..وما درينا ؟!!
والحلم شوفيه اشكبر؟! صار رجال !!!

تتذكري يومه يداعب يدينا ؟!
وكنا نغني له من الشوق موال؟!

صغير لكنه حلف يحتوينا
يا كثر ما كنا على الوقت نحتال

ابسألك:
ما تذكري ضحكاتنا؟!
واحلامنا؟!
غلطاتنا؟!
زعلاتنا؟!
مثل الاطفال ؟ !!

مرت سنه من شفتك وضيعتني
خبيتني في عينك ...
خليتني عندك ..ورحت
مرت سنة ...والكل يسألني علي ؟!
واصفق يدي ..
واقول مـ اعرف وين انا ؟!
ماني هنا ...

اتصدقي مرت سنة وما درينا..
توي ذكرت اللحين !!
كان اللقا في يوم عيد ..
وصدفة ..بلا موعد ..
جيتي لشاعر فلسف الدنيا ..
وصرتي كل سواليفه والقصيد ..
وبلهجتك : ما شي جديد ؟!!

اتصدقي ما به جديد ؟!!
شوفي شـ بقى حولي :
باقي صدى ذيك السوالف في زوايا غرفتي

وهديتك..
و ورودها ..اللي اذبلت
مثل اللسنين اللي بقت
من عمر بعيشه بدونك
ودمعتي..
وضحكتك.
غلطاتك بحقي..
وتنهيدتي..
واحلامنا فوق الرفوف البالية
وانتي ...ولا انتي مبالية
وهذي بقايا من قصاصة ورق
كتبت فيها من الارق:
"تاريخ حبي ...وغربتي"

وهذي السنين اللي حلمنا انعيشها
لميتها وحطيتها في رف مثقل بالسنين وبالجراح
وكل من خلاني وراح
وعلى جدار الغرفه اللي يشبه ملامح وجهي المنهك بكا
 

صوره قديمه لشاعرك ..
يوم اخذله اخر صديق احتاج له
وعلى الجدار اللي سبق علقت حزني فـ صمته اللي ممتلي ضيم وكلام
كتبت أسما كثير
أسما كثير..
اكثر كثير من العمر اللي بعيش وعاشني
للي طعني وخانني
وللي جرحني
للي خذلني وباعني
وللي تركني وما اسأل نفسه : ليه انا بالذات يحتاجني ؟!
اسما كثير
بس المهم : وين اكتب اسمك؟!
هم ما اوصلوا قدرك
ولا اجرحوا كثرك

و ...في زاويه من غربتي ..
خبيت عنك اعتراف بـ اني كذبت وقلت لك :
(اني قوي ..وما انكسر
واني جبل ما هزني بعدك )

ابسألك؟!!
شقول لأمي لو رجعت من السفر وجهي حزين ومنكسر؟!!
ولنفترض اني كذبت وصدقت؟!!
وقلت السفر متعب ...
وبزعم جبت اكبر عذر؟!!
 

الانتظار ...وصالات المطار ..
وبعدها ؟!!
وشلون اخبي دمعتي لين اسألتني ؟!!
وينها ؟!!
شخبارها ؟!!
مو قلت لي مره زعلت منك ؟!!
راضيتها ؟!!

ابذمتك..في وقتها وشلون رد ؟!!
ابختنق لو قالت اسمك
وبتخونني كل الحروف
شقول؟!!
يمه ظروف ؟!!
اية ظروف؟!!!

بقول: يمه تذكري ...لما سألتي ..والدمع في عينك:
(وينك؟!..طولت في غيابك ..
على الاقل لو تتصل وتطمن احبابك)
بقول ::
هي كانت احبابي وهي كانت اصحابي
سويتها لقلبي وطن
وعيونها لروحي سكن
وانفاسها ثيابي

كل شي عشته معك ..
الاماني ...
والاغاني
حلمنا
يا سلاااااااااااام
بيتنا المملى فرح
واللي انجرح.
معقول؟!!
كلها كانت كلام؟!!

اتصدقي مرت سنه وما درينا
والحلم.شوفيه شكبر؟!صار رجال!!
مرت سنه..
او للأمانه!!..
باقي شهر ونكمل سنه ..
بس للاسف
قبل السنه
انتهينا ..!!!